വര്‍ഷ മേഘം....!!
ഞാന്‍ വരും ഒരു വര്‍ഷമായ്
നിന്നിലേക്കാഞുപെയ്യും പിന്നെ
കാറ്റായാഞുവീശിയലറിയിടിയായ്
തിരിച്ചുപോരുമെന്നാകാശത്തിലേക്ക്
അതിനിടയില്‍ നിന്റെ പരിഭവച്ചൂടും
നീരാവിയും കോപവും ഞാനൊടുക്കും
ഋഷഭമേഘങ്ങളാകാശഗര്‍ജനമാടും
ഒരോ രോമകൂപത്തിലും കുളിരായ്
അരിച്ചിറങ്ങും ശീല്‍ക്കാരശബ്ദമുതിരും
കെട്ടിമറിഞുരുള്‍പൊട്ടലായ് ചീറ്റും
ഋതുഭേദങ്ങള്‍ മാറിയാലും വരുമെന്നും
മറക്കില്ലെന്നും പറഞാശ്വസിപ്പിക്കും
തളിരിട്ട പുഞ്ചിരിപുല്‍കൊടിയാലെന്നെ
മൌനാനുവാദം തന്നു യാത്രയാക്കണം
താരങ്ങള്‍ മേയുമെന്നാകാശത്തിലെക്ക്
വീണ്ടും പെയ്യാന്‍ ഞാന്‍ തിരിച്ച് പോകും..
