ചുണ്ടില് ചായം പുരട്ടിയ
സുന്ദരികളെ കണ്ടാല്
ഞാനിനി നോക്കില്ലാ..
കാരണം ഞാന് നിന്റെ
ചുണ്ടുകള് കണ്ടിട്ടുണ്ടല്ലോ..
മനസ്സില് മതിയാവോളം
നുകര്ന്നിട്ടുണ്ടല്ലോ..
നുണക്കുഴികള് ഉണ്ടാവുന്നത്
എങ്ങിനെയെന്നോ..?
നിന്റെ വശ്യമായ ചിരിയില്
വശങ്ങളിലേക്ക് വലിയുന്ന
ഇളം ചുണ്ടുകള് കവിളില്
തീര്ക്കുന്ന വിസ്മയമല്ലേയത്
കൈതപ്പൂവിന്റെ മണം
നിനക്കറിയില്ലെന്നോ
വരൂ, എന്നോട് ചേര്ന്ന് നില്ക്കൂ
നിന്റെ മേനിയുടെ മാദക ഗന്ധം
എന്റെ നിശ്വാസങ്ങളിലൂടെ
നിനക്കു തന്നെ പകര്ന്ന് തരാം
ഇപ്പോള് നമ്മളെ
എല്ലാര്ക്കും അറിയാം
പിന്നെ നമ്മളെന്തിന്
ആരില് നിന്നും ഒളിച്ചോടണം
പോകാം ഇനിയും ഈ
കടല് കരയില് വിദൂരമായ
ചക്രവാളം നോക്കി
സമയം കഴിക്കേണ്ട,
എങ്കിലും നമുക്കൊളിച്ചോടാം
നീയെന്നെയും ഞാന് നിന്നെയും
അറിയാത്ത ഇരുട്ടിലേക്ക്
അവിടെ നീയും ഞാനും ഉണ്ടാവില്ലാ
കൂരിരുട്ടില് തിളങ്ങുന്നത്
നിന്റെ കണ്ണുകള് പോലെ
നമ്മുടെ സ്നേഹം മാത്രമായിരിക്കും...
No comments:
Post a Comment